ZER DA UNIRE

Unire soldaduraren balio-katean eta material anitzeko, desmuntagarriko eta desmuntaezineko lotura-teknologietan espezializatutako azoka profesionala da.

Hainbat hitzordu dituen ekitaldi bakarra:

  • Unire, Soldadura eta beste lotura-teknologien azoka

  • UNIRE soldadurako 2. lehiaketa

  • Sektoreko gaurkotasuneko gaiei buruzko hitzaldi eta mahai-inguruen programa

Unire ekitaldi espezializatua da, eta gai hauek jorratzen ditu:

  • Materialak eta haien teknologiak batzeko irtenbideak eskaintzen eta behar dituzten enpresen ekosistema biltzea.
  • Negozio-sorrera sustatu
  • Ezagutza trukatzea
  • Etorkizuneko profesionalen talentua suspertzea
2303 FICOBA UNIRE_111b
2303 FICOBA UNIRE_044b
2303 FICOBA UNIRE_469b
2303 FICOBA UNIRE_413b
2303 FICOBA UNIRE_490b
Zure enpresak soldadura soluzioak eta lotura-teknologiak hornitzen baditu eta zehazki soldadura zerbitzuak eta lotura-teknologiak erabiltzen dituen bezero industrial batengana jo nahi baduzu, Unire da zure azoka.
Unire-ra Espainiako eta Frantziako hego-mendebaldeko eremu industrializatuenetako soldadura erabiltzen duten enpresen erosleak, erabakitzaileak eta erosketa-preskriptoreak bertaratuko dira.

ZERGATIK SOLDADURA ETA LOTURA-TEKNOLOGIETAN ESPEZIALIZATUTAKO AZOKA?

Industriak balio-kate osoan eraginkortasuna eta produktibitatea hobetzeko erronkari aurre egin behar dio. Unire-k soldadura eta lotura teknologietan jartzen du arreta. Prozesu horiek balio erantsiko kate askoren funtsezko osagaiak dira, eta, batzuetan, fabrikazio-kostuen % 50 ere izan daitezke.

Soldadura eta lotura-teknologiak industria-produktuen portzentai handi batean daude, eta horien kalitatearen araberakoa da azken produktuaren fidagarritasuna.
Zeharkako sektore baten aurrean gaude, industria-prozesuetan aplikazio-eremu ia unibertsala duena, automobilgintzaren, trenbidearen, ontzigintzaren eta aeroespazialaren sektoreetatik eraldaketa metalikoa eta energia eolikoaren sektoreetaraino, besteak beste.

Enpresa txiki, ertain eta handiei beren prozesuak optimizatzen eta hobetzen lagunduko dieten sektoreko azken nobedadeak ezagutzeko tokirik egokiena da Unire.

ZERGATIK FICOBAN, GIPUZKOAKO ERAKUSTAZOKAN?

Euskal Autonomia Erkidegoa Espainiako Estatuko industria-kontzentrazio garrantzitsuenetako bat da. Industria-kultura sendoa duen eremu bat da, eta industria-sare bat du, non soldadura eta beste lotura-teknologia batzuk prozesu garrantzitsuak diren, puntako ikerketa eta teknologia zentroekin, sistemen eta teknologien arloan industria, ikerketa eta prestakuntza sustatzen lan egiten duten erakundeekin batera.

Unire-k soldaduran eta lotura-teknologietan espezializatutako polo bihurtu nahi du, Espainiako iparraldeko eta Estatuko oso industrializatutako beste eremu batzuetako soldadura-zerbitzuak erabiltzen dituzten enpresak bilduko dituena.

Bere kokapen estrategikoagatik, Gipuzkoa gune integratua da Bilbok Valentziarekin eta Madrilek Bartzelonarekin duten komunikazioan. Horri esker, Penintsulan industria-garapen handiena duen espaziotik hegazkinez, trenez edo ibilgailu pribatuz joan daiteke, gehienez ere 5 ordutan.

Gainera, Ficobako mugaz gaindiko izaerak Unire azoka hornitzaileen eta Frantziako hego-mendebaldeko bezero potentzialen arteko topagunea izatea errazten du.